Ženska pionirska reprezentacija Crne Gore savladala je Bosnu i Hercegovinu u drugom kolu razvojnog turnira koji se održava u našoj državi.
Nakon dobre igre tokom cijelog meča, ekipa selektora Mirka Marića slavila je rezultatom 2:0. Sve je bilo gotovo nakon pola sata igre – u četvrtom minutu gol je postigla Tina Janketić, a 30. konačan rezultat postavila Teodora Cebalović.
Za našu selekciju ovo je prva pobjeda na turnira, nakon startnog remija sa Sjevernom Makedonijom (0:0).
“Prije svega, ovu utakmicu je obilježila naša dobra igra. Djevojčice su pružile veoma dobru partiju i zasluženo pobijedile. Ovakve utakmice su mnogo bitne za njihov razvoj i sticanje iskustva. Ali, i za nas u stručnom štabu je važno vidimo koliko one mogu, jer su pred njima razni razvojni turniri i, na kraju, kvalifikacije”, rekao je selektor Marić.
U posljednjem kolu turnira, u petak od 10 časova na Cetinju, Crna Gora se sastaje sa Hrvatskom.